ကောင်းကင်ကို ကောင်းမြင်ခြင်း

မျက်စိနှစ်လုံး ပွင့်လိုက်တာနဲ့
လောကကြီးရဲ့
သာယာမှု၊ ကြည်းတန်မှုတို့ကို
ကနဦးရှုစားလိုက်တယ်
ပြီးတော့...အသက်ကို
အသင့်အတင့်ရှူရှိုက်လိုက်တယ်။

လောကကြီးရဲ့ သာယာမှုကို
အပြုံးတပွင့်ဖြင့် ဂုဏ်ပြုလိုက်တယ်
ဖူးပွင့်စ ပန်းကလေးတွေက
ချီးကြူး ထောမနာပြုကြတယ်။
ထို့အတူ...
လောကကြီး ကြည်းတန်မှုကို
မျက်နှာထားတင်းတင်းနဲ့ ရှုတ်ချလိုက်တယ်
တိုက်ခတ်ဆဲ လေပြေအေးအေးက
အားပေး ထောက်ခံ အတည်ပြုလိုက်တယ်။

တဖန်...
စကြာဝဠာရဲ့ ရှေ့နဲ့နောက်ကို
ပေါင်းကူးပေးရင်း
အာဟာရတို့ကို ညီမျှအောင်
ဝေငှပေးလိုက်တယ်
ပြီးမှ... ငါ့ရဲ့
သမာဓိထူထောင်ချိန်ရောက်တယ်။

ထို့နောက်
ရင့်သီးတဲ့ ဝေါဟာရတွေကို
မှင်နီမျဉ်းပြိုင်နဲ့ အသိအမှတ်ပြုလိုက်တယ်။
ငါ့ဝန်းကျင်မှ
အသက်ရှိ အသက်မဲ့တို့ကလည်း
တည်ငြိမ်စွာနဲ့
ငါ့အား ကောင်းချီးပေးတယ်။

နေသာတဲ့ နေ့တိုင်း ငါပျော်သလို
မိုးအုံ့တဲ့ နေ့တိုင်း ငါရွှင်လန်းတယ်
တမ်းတခြင်း၊ လွမ်းဆွတ်ခြင်းတို့ကို
အပိုလုပ်တခုဖြစ် သတ်မှတ်ပြီး
ဝမ်းနည်း ၀မ်းသာမှုတို့ကို
ဂျောင်ထိုးထားလိုက်တယ်။

ဒီကနေ့ နေသာတယ်
ဒါကြောင့် ငါပျော်တယ်...။