တကယ်ပါ

တိတ်တိတ်ဆိတ်ဆိတ်
နေ့ရော၊ ညရော
ရှေ့ကော၊ နောက်ကော
အတွင်းရော၊ အပြင်ရော
တလောကလုံး ငြိမ်သက်လို့...။

ခံပြင်းစိတ်တွေနဲ့
မာန်တင်းလို့
အံကြိတ်လို့
ငါ့... ဒေါသတွေ
တိတ်ဆိတ်မှုကို အံမတုနိုင်...။

ဒီဂနိုင်ကြီးက
အပြောကျယ်တယ်
သိပ်သည်းတယ်
ပိတ်ဖုံးနေတယ်
ထူထပ်နေတယ်
သက်မဲ့တွေချည်းပဲ
နေရာယူလို့
သူပဲ.. ပထမ
ဒုတိယ
တတိယ...။

မဟာကရုဏာတွေ
သစ္စာမဏ္ဍိုင်တွေ
ပါရမီဖြည့်ဘက်တွေ
တမျိုးတော့ မထင်ပါနဲ့
နေရာမရှိတော့ဘူး
သူ့အိုးနဲ့ သူ့ဆံပြည့်နေပြီ...။

ဆိုတော့...
တလွဲဆံပင်ကောင်းနေရင်
ငြိမ်သက်တာဟာ
ပေါက်ကွဲဖို့
အေးချမ်းမှုဟာ
လောင်မြိုက်ဖို့...။

ငါဟာ
ကိုယ့်အတက်နဲ့ ကိုယ်စူးတဲ့
ဒေါက်တာရမ်းကုပေါ့
သို့မဟုတ်
အနုမြူတီထွင်သူ...။

ဒီတော့...
တိတ်ဆိတ်ငြိမ်သက်မှုကို
ရင်ဆိုင်အံတုရမှာ
ငါကြောက်လာတယ်
တကယ်ပါ....။