Wednesday, September 22, 2010

မုန်တိုင်းကိုဖိတ်ခေါ်ခြင်း

တည်ငြိမ်အေးချမ်းမှု
သာယာဝပြောမှု
ကျန်းမာချမ်းသာမှုတို့ကို
ရချင်လို့
ရစေချင်လို့
ငါ မိုက်မဲစွာ
မရှိသင့်ဘဲ ရှိနေတဲ့
အရှိတရားကို
ရန်ပြုခဲ့တယ်...။

တဖန်...ကိုယ်
ပြန်ထိုးနှက်ခံရပေမဲ့လည်း
ငါဟာ... နောက်မဆုတ်ပဲ
ဒီလမ်းကို လျှောက်မြဲလျှောက်
ဒီခရီးမှာ...
မရချင်ဘဲ ရမယ့် ရလာဒ်ကို
လက်ခံဖို့ အသင့်ပါပဲ...။
မရချင်တဲ့ ရတဲ့ ရလာဒ်ကိုလည်း
ငါ ဝမ်းမြောက်စွာ လက်ခံပြီးပြီ...။

အကျင့်ခြင်းမတူ
အဖြစ်ခြင်းမတူပေမဲ့
ရန်သူဟူ၍လည်း ငါမမှတ်ပါ
မိတ်ဆွေလို့လည်း မသတ်မှတ်လိုပါ
ကွဲပြားတာဟာ ပေါင်းစီးဖို့...။

ငါလုပ်တာဟာ ငါ့တွက်မဟုတ်
သို့ပေမဲ့..
ငါခံရဲပါတယ်။
တိုက်ပွဲဆိုတာ အောင်ပွဲအတွက်ပါ
တိုက်ရဲသူသာ အောင်ပွဲရပါမယ်
အဲဒီအခါ...
မင်းငါ့ကိုလာ မဖားနဲ့
ငါကသနားမယ့်လူမဟုတ်
ရက်စက်တဲ့နေမှာ
နှစ်ယောက်ရှာမရဘူး....။
နာဂါတ်မှာ
နေရာတခုလိုရှိရင်
ခုပဲ...
မင်းစိတ်ကူးကိုပြင်လိုက်တော့...။

Tuesday, September 14, 2010

ဒီခရီးက နီးသလား

အညစ်အထေးတွေ
အပုပ်အဟောင်တွေ
ဆေးကြောလိုက်ပါ
ပျော်စရာတွေ
ရွှင်စရာတွေ
စွန့်ပစ်လိုက်ပါ
ချစ်တာတွေ
မုန်းတာတွေ
မေ့ပစ်လိုက်ပါ။

ဒါတွေဟာ
ဝန်ထုပ်တွေပါ
လေးဖင့်တယ်
ချိန်စီးတယ်
ခရီးမရောက်ဘူး
ဉာဏ်မပေါက်ဘူး
ခေါက်ခေါက်ခါခါ
ဒုက္ခရောက်ရမှာ...။

ဖြစ်တွေများကြီးထဲမှာ
အပြစ်တွေကလည်း တထွေးကြီး
ရင့်ရင့်သီးသီးခံပေရော့
အဲ...
စံစရာရှိတော့လည်း မင်းပါပဲ
ဒါဟာ
သဘာဝကပေးတဲ့
အခွင့်အရေးပါပဲ...။

မသွားချင်လဲ သွားရမယ်
မနေချင်လဲ နေရမယ်
မခံစားချင်လဲ ခံစားရမယ်
ပြဘူးတဲ့ ကုသိုလ် အကုသိုလ်ကံက
စီမံလိုက်ပြီ
လျင်မီအောင် ရိက္ခာရှာ...။

Sunday, September 5, 2010

ငါ့မှာ အချစ်ဟာ ဝေဒနာဖြစ်

အရွယ်ကတူတူ
အသားဖြူဖြူ
မူယာမာယာမရှိ
ပကတိဖြူစင်
မနောရွှင်တဲ့
သူ့ကို...
ငယ်ကပင်ချစ်ခဲ့တယ်...။

တီတီတာတာ
ချိုချိုသာသာ
ပလီပလာနဲ့
ရီစရာစကားကို
ကိုယ့်မှာအတည်မှတ်လို့
ချစ်ဓာတ်တွေ
ပြင်းသထက်ပြင်း...။

ချစ်နိမိတ်တွေဖတ်
ချစ်ဗေဒင်တွေဟော
ချစ်သဘောတွေနှောကာ
သြကာသလောကကြီးက
အရမ်းကိုလှနေတော့တယ်
တာရာတွေ နက္ခတ်တွေ
စုံညီထွန်းလို့
ယှဉ်ပြိုင်ဝန်းလို့ပေါ့
ဒီလိုနဲ့...
ချစ်ခြင်းတွေ
ဖြေမရအောင်
ရစ်ပတ်ခြည်နှောင်ခဲ့ကြတယ်...။

. . . . . . . . .
. . . . . . . . .
. . . . . . . . ....။

နှုတ်ဆက်စကား
တခွန်းများတောင်
ပြောမသွားရှာဘူး
သူဆိုတဲ့...
ချစ်ဦးလေးတယောက်လေ...။

ဟိုအဝေးဝေးမှာ
ရိုးမတွေတားထားတယ်
ပင်လယ်ခြားထားတယ်
မတွေ့တာတောင်ကြာပြီ
ကာလတွေ အလီလီပေါ့
နှစ်တွေတော့ညောင်းပြီ
ချစ်တွေများ နှောင်းပြီးလား
ကိုယ့်ထံပါးမှာ
အခြား... ဘယ်သူမှမရှိ...။

ကာလတွေ ထုတောင်းတော့
ဘဝင်များလည်းထွေ
စိတ်တွေကားလေလို့
ရွက်ကြွေတောမှာ
လေနှင်ရာလွင့်ပါရင်း
သြော်...
အချစ်ဆိုတာဟာ
လွမ်းချင်းများသာ ပါတကား
တမ်းချင်းများသာ ပါတကား...။

Thursday, September 2, 2010

အာသာ ပြေစရာ ဘယ်မှာလည်း

ချိုးကူသံ
ဝါဝါဝင်းဝင်း
စပါးခင်းအလယ်
ပေါက်ပင်အိုထက်က
ပြောက်ပြောက်ကျားကျား
လောကကို လှဆင်နေတဲ့
လှဘုရင်တပါး...။

ဥသြတွန်သံ
စိမ်းဖန့်ဖန့်နဲ့
နှစ်ပင်ယှက်နေတဲ့
ကုက္ကိုလ်ပင်ထက်က
ဆွေးမြေ့စွာ
အဖော်ကွဲရှာနေတဲ့
နွေဘုရင်တပါး...။

ဆက်ရက်ကျူးသံ
သောင်းသောင်းညံနေတာပဲ
ပင်အိုထနောင်းထက်က
ခုန်ဆွဆွ၊ စာလုကြ
သီကျူးကြ၊ မြူးတူးကြ
နေဝင်ချိန် မှိန်ပြပြမှာ
အိပ်တန်းလုကြ
သြော်...
အာဂ လှဘုရင်များတကား..။

မကြားမမြင်ရတာ
နှစ်ချီကြာပြီပေါ့
တကျော့ပြန်
သည်တေးသံတွေ ကြားရဖို့
ငါ့ကံက မဟန်သေး
အာသာပြေဖို့
ဆန္ဒတွေဖြေဖို့
မျှော်လင့်ချက်ကမှုန်ဝါးဝါး
ကျိုးကြောင်းကား မညီ
အသက်က ဌီခဏကို
ရောက်လာပြီဆိုတော့
သည်တေးသံတွေ
ကြားရပါတော့မလား...။

ပန်းရနံ့တို့ သင်းပျံ့နေသောအခါ မာယာတို့သည် လှည့်စားရန် အားကောင်းလာတတ်၏...။