သောက်တတ်ရင်ဆေး

နေညိုညို
ပင်ပျိုပျို
ချဉ်စို့စို့နဲ့ မြုပ်စီစီ
မြူဆွယ်သည်
ကြူလှိုင်ရည်
ပုဆိုးသိုင်းလို့ ပလ္လင်ခွေနဲ့
ငှဲ့ပါလှည့်... နောက်ကျလိမ့်မည်။

မျက်ရီရီ
နားနီနီ
နှာခေါင်းချွေးတွေစီလို့
မွေးလှသည်
အေးလှသည်
ငါးပိဆီဆန်း ငရုတ်ကစပ်သနဲ့
ထည့်ပါလှည့်... နောက်ကျလိမ့်မည်။

ပုစွန်ဆီ နေခြည်ဆင်းလေတော့
ပြန်ပါပြီ နောက်တချီမဆက်နိုင်ပေါ့
ရှေ့ဆွဲနောက်ဆွဲ
ခွေယိုင်မလဲအောင် လမ်းလျှောက်ရမည်။

နှင်ရာဆီ လေပြည်သော့လေတော့
တန်ပါပြီ ပတ်ကာချည် ပုဆိုးမနိုင်ပေါ့
မအော့ဘဲ မအန်ဘဲ
ခွေယိုင်မလဲအောင် လမ်းလျှောက်ရမည်။

တန်ရာသာ
တမြူသုံး
ခွက်ပုန်းကာ
လှည့်ခိုးကာ
မရိုးတာမှန်သမျှ
သည်မျိုးဟာ ဆေးခအောင်
ဆီးရွှင် လေကောင်း
ခါညောင်းသမျှ မြတ်စွန်းရအောင်
ဘောင်မကျော်နဲ့
လာဟဲ့... တည်ကွဲ့... ငှဲ့လှည့်ပါမောင်...။

အချစ်ဝန်ထမ်း

ရင်ဘတ်ထဲမှာ မျိုသိပ်ထားတာ
ကြာပြီပေါ့ကွယ်၊ နာကျင်လှတယ်
ဆွေးမြဲ...။

ခင်နှမရယ် ကြင်ခါစမယ်
နွေအလှနဲ့၊ ကြွေပါရတယ်
မခွဲစတမ်း...။

ယင်ဖိုမသန်းအောင် ထမ်းဆောင်ပါ့မယ်
ချစ်စခန်းကျယ်၊ ပန်းမာလာချယ်လို့
ဆန်းကျယ်မြဲ...။

အဖော်ကွဲ ဥသြငှက်ငယ်
နွေထဲ၊ တကောင်တည်း
ဆွေးနေမြဲ...။

မရှိလည်း၊ ရှိသလိုဘဲ
ချစ်မြဲ၊ ချစ်နေမယ်
ပစ်မြဲ၊ ပစ်မထားနဲ့...။

ဝေးသူရယ် လွမ်းတယ်ကွဲ့

ဝန်းပါလှ ထွန်းသာစွ ရောင်နီနီ

ဆေးပန်းချီ ရှုမအီ စီရင်ဘိအလား

လင်းအားဖြာ နှင်းသားကိုခွင်းလို့

အထင်းသားပင် မြင်ရပြီ။

ပရိရ်စည် နရီမခြား စက္ကန့်မမှားအောင်

တိတ်တဘောင်မှာ မင်္ဂလာရှိသမို့

ပြည်သာလို့ ဗိုလ်လူတို့ပျော်။

ဂါထာတော် မှန်းကော်ရော်သည်

ဗုဒ္ဓါဆီ ဦးတည်၍

မမေ့သတိရား အစဉ်ထား ဘာဝနာပွားကြတယ်

မန်းရွှေပြည် သာဆုံးပလေး။

လွမ်းပါလှ တမ်းပါရ ငံ့လင့်သည်၊

မင်းရွှေပြည် ဦးချီတောင်ရိုးနှင့်၊

ရိုကျိုးစွာ ပုဒုမ္မာ၊ လက်စုံဖျာ ထိပ်မိုးလို့၊

ပိုးသေ ရိုးမြေကျသည်ထိ၊

ဂွမ်းဆီဘိ အိလှတယ်၊

ပီတိနှယ် ဖြာကွန့်ကယ်လေး။

စုစုချွန်းချွန်းနှင့် မွန်းလစ်လစ် တင့်လှတယ်၊

ရင့်သံသာ သီကာကျူးလို့

ဝမ်းဘဲတို့က တကျော်ကျော်၊

ကန်ရေနော် ကြည်ကြည်ပသော်ကြောင့်

ဘဝင်တော် ပျော်ပါရတယ်၊

ခက်ကယ်လို့ မတွေ့ဘူး

ဖျထူးလို့ ကျေးကျွန်တော်

မျှော်သမျှ လှဂုဏ်ခတာ

လှူဒါန ကမ္မကြောင့်လေး။

မိုးတခွင် ငွေကြယ်စင် ယှဉ်ပြိုင်ဝန်းသည်၊

ရှစ်ခွင့်ဆီ ပလီဆွဲငင်လှ

ချစ်နှမ ခင်ကသို့နှယ်။

သင်းလှတယ် ငွေသဇင်ပန်း

တင့်ဆန်းကာ ကျူသာလှ၊

မြင်သမျှ ဗိုလ်လူက ဆင်သလိုတယ်၊

သခင်ရယ် သဇင်နှယ် လေနှင်ယိမ်းသလို

တိမ်းရက်သော် ခက်တော်မူပါဘိ

ကိန်းနိမိတ် မမြင်မိသော်ကြောင့်

မှောင့်ပယောဂ ကင်းရတယ်

သက်ပြင်းရယ် ချဖွယ်တော့လေး။

ပုစွန်ဆီ ရောင်နီယွန်းပ နေကျလှပြီ

ငှက်ပလီအစုံစုံတို့ အိပ်တန်းဆီ ပျံသမို့

တကျွီကျွီ စက်မှီရာလုကြတယ် ဖွဲ့တည်ရာသို့။

ကညာမျိုးတို့က ရေးအိုးကိုယ်စီနဲ့

လှတိုးသည့်သက်လယ်။

ချစ်ခွန်းရယ်ချွေ ဘဝလေဟပ်တော့

ကျော့မော့မော့ရယ် ချစ်ဦးကငယ်သူပါ

ခွင့်ထူးမှာ မေတ္တာမျှ နတ်ကြိုးကသွယ်

မဖြတ်ရိုးကောင်းမို့ ရိုးမြေကျပေါင်းစို့ကွယ်

မင့်ရယ်အခုတော့ ငယ်သေးပေါ့လေး။

ဘဝါဘဝေက နှစ်ဖြာရေစက် လက်နဲ့မကွာ

သာသနာ ရောင်ဖြာလင်းအောင်ပ

ကျင့်သီလ မြတ်ဒါနာ

ဘာဝနာတလီပွားပြန်တော့ ရောက်ပေါ့နတ်ရွာ…။

တမ်းကာသာ မှန်းဆပါသော်လည်း

လွမ်းရတာ ပမ်းလှပါပေါ့

ကျော့သခင် အစဉ်ခိုးမှီးရာ

ဘုဉ်းမောင့်မှာ ဝကွက်မချန်သာအောင်

အရောင်ရှိသမျှလင်း အလင်းရှိသမျှထိန်

ပရမေထံ သစ္စာခံကတိနှင့်

ဝန်းရံလို့ချုပ် မလှုပ်သာပေဘူး

မေ့အတွက် ထူးမြတ်ကဲ့လေး။

ချစ်စစ်ချစ်မှန်

ညကသူလာတယ်
ရုပ်ကလည်း ဆိုးပါ့
သဘောကတော့ ကောင်းပါတယ်
ပြောကလည်း ညက်ပါတယ်
ဒါနဲ့ပဲ.. သူ့ကို
အခန်းထဲဝင်ခွင့်ပြုလိုက်တယ်...။

အခန်းထဲကထွက်လာတော့
ပုံမကျတဲ့ အဝတ်ကိုစွပ်ပြီး
ကျေးဇူးပဲနော်တဲ့...
အလား...
နတ်သမီးတပါးလား
နာနာဘာဝလား
လှပကားတွေ
လှပကားတွေ...။

ငါကသူ့ကိုသိပ်ချစ်တာ
မြတ်နိုး၊ ယုံကြည်မှု၊
ကိုးစားမှု၊ ခင်တွင်မှု၊
ယုယမှု၊ ကြင်နာမှုတို့နဲ့အတူ
တန်ဘိုးလည်းထား၊ လေးစားတယ်
သူ့ကြောင့် ကိုယ်အမြဲစိတ်ချမ်းသာရတယ်
ကိုယ့်ကြောင့် သူအမြဲအေးချမ်းနေတယ်
ဒုက္ခဘုံလေးတခုကို တည်ဆောက်တော့လည်း
ကူဖော်လောင်ဖက်
သုခ အသိုက်အမြုံလေး ရလာတော့လည်း
ထိန်းဖော် သိမ်းဖက်ပဲ...။

သူနဲ့ကိုယ့်အချစ်က
တဏှာမပါဘူး
လောဘမရှိဘူး
ဒေါသဆိုတာ ဘာမှန်းကိုမသိ
အဲလောက်အေးချမ်းတာ
ငြိမ်းချမ်းတာ
နှစ်ယောက်လုံးက
သင်္ခါရအကြောင်းသိတယ်
တခဏအကြောင်းသိတယ်
ကဲ...
ကိုယ်တို့ရဲ့အချစ်က
အားကျဖို့မကောင်းဘူးလား..။

ကွင်းဆက်အနိဋ္ဌာရုံ

တော်လှန်သောစိတ်မှာ
အကုသိုလ်ကများတယ်
အချွင်းချက်နေနဲ့ သူလည်းပါဝင်ရတယ်
ရှေ့ခရီးကို တာစူနိုင်ဖို့
ချစ်တော်မြင်းဖြူကြီးလဲ အသက်ပေးရတယ်။

ပုန်ကန်သောစိတ်မှာ
ညစ်ခြင်းတွေကများတယ်
တပုလင်းနဲ့လဲ မလောက်နိုင်
ကိုယ်မယိုင်အောင်ထိန်းရင်း
ကလေးကိုလည်း ကျောင်းရတယ်။

တန်ပြန်စိတ်တွေမှာ
တဖန်ဆိုတဲ့ ဝိပါက်ရှိတယ်
အခုတော့ ဟန်အောင်လုပ်မယ်
ကြံရာပါတွေကို ဦးဆောင်ရင်း
ခံပြင်းရတာ ဘာထူးလဲ။

သန်မာတဲ့စိတ်ဟာလည်း
အကြင်နာတော့ လိုစမြဲ
ရည်သန်ရာရောက်အောင်
ဖော်ကောင်လဲ လိုတာပဲ
ရှေ့ဆက်ရင်း အမြဲကြင်နာပါ့မယ်။

ဝုန်းဒိုင်းကြဲနေတဲ့ မိုးပေါက်တွေ
ညီးတွား အော်ဟစ်နေတဲ့ အတ္တဘောတွေ
ကျိုးပဲ့ကြေမွသွားတဲ့ အသက်မဲ့မိတ်ဆွေတွေ
ဒါတွေက... သူ့အတွက်
အာဟာရတွေပေါ့
ပရမတ်က ၇၅ နှစ်
ဟောင်းရောပေါ့ နှစ်နှစ်ထောင်ကျော်
ဒီဖြစ်မျိုးတွေက
တကယ့်တော့
ဒါတွေဟာ တော်ရုံလို့ဆိုရမယ်...။

ရွှေပြည်ရောက်မှာ ခုလုပ်ပါ

နှစ်ကာလကျော်၊

လွတ်ကြောင်းဖော်လည်း

သဲတိုင်ငုပ်မိ၊

မြုပ်ဆင်းဘိပြီ

လွတ်သည့်အလား အောက်ခြေများ။

မွေးရပ်ကိုစွန့်၊

ရဲဝံ့သော်လည်း

ရှေ့ကိုမမျှော်၊

လွတ်ကြောင်းဖော်ပြီ

မြင်သည်အလား ဝေကာသွား။

မိဘကိုထား၊

တိုက်ဝံ့ငြားလည်း

အားကိုမတိုး

တစွတ်ထိုးပြီ

နိုင်သည့်အလား ခါးပိန်များ။

စွန့်စားလေ့ကျက်

ကံလည်းမက်၍

ဉာဏ်စက်မကွာ

ဝီရိယာထား

မနေနားဘဲ

ရှည်လဲကြည့်ကာ

လွတ်ကြောင်းရှာသား

ကျွတ်သည်မနှေး

မဝေးတော့သည်

ရွှေပြည်ဝင်းဝင်း

နတ်ဖန်ဆင်းသို့
ကွင်းကွက်မြင်သား
သင် ယောက်ျားတို့

ခုကစ၍ လုပ်ပါတော့…။