ဒုတိယ ဇရပ်

နွေ...
ကြည်းပင်တွေ အပြိုင်းပြိုင်း
ကိုင်း၊ ခက်၊ လက်...
လေကသွက်သွက်ရယ်
တောရောက် တောင်ရောက်ပြော
ညနက်အောင်ထိုင်ကြတယ်...။

စစ်ကိုင်းတောင်ရိုးက
မိန်မိန်ပျပျ
မီးလုံးလှလှလေးတွေ
နှစ်စင်းပြိုင် သက်ခြင်းကွာလှတဲ့
ညီကိုမောင်နှမတွေ
မီးလေးတွေ အစီအရီထွန်းလို့...။

ဟို... အရှေ့က
ဂျုံးဂျုံး ဂျဂျ... မီးရထားကောင်
မြောက်နဲ့ တောင်ကိုပြေးလို့
ညို့ညို့သာ မြင်ရတဲ့
ရှမ်းတောင်က အရောင်လဲ့လဲ့
လင်းတချက် မလင်းတချက်တွေ
ညရဲ့အခင်းအကျင်းမှာ
ဇွန်ပန်းနံ့တွေ သင်းလို့...။

အမှောင်ကိုခွင်းလာတဲ့..
တွံတေးရဲ့ သီချင်းသံ
ပေါက်ပွင့်ကျသံနဲ့ ခွေးအူသံ
မယ်ဇယ်တန်းရဲ့ ရွက်ခြင်းယှက်သံ
တိုင်ခြေရင်းက လှိုင်းကြက်ခွတ်သံ
ဂျက်ကလေးလဲ ပျံလို့
မှိတ်တုတ်မှိတ်တုတ်နဲ့ပေါ့...။

လေပြေက ပိုသွက်လာသလို
ညကလည်း ပိုနက်လာတယ်...
မိုးသောက်ယံတောင် ကျော်ပြီးကိုး
တရေးတော့ သိုးကြအုံးပေါ့...။