ဝေတုန်း ဒါပေမဲ့ ကြွေတော့မယ်

အချိန်တွေ
အားကောင်းကောင်းနဲ့ ရွေ့နေတယ်
အသက်တွေ
အရှိန်အဟုန်နဲ့ ရင့်ရော်လာတယ်
အချစ်တွေ
ကြွကြွရွရွ ချစ်နေတုန်း...။

မိုးသောက်ယံ တရေးနိုး
ပြိုးပြိုးပျက်ပျက် မျက်လုံးထဲ
ကွင်းကွင်းကွက်ကွက်မြင်
ဒီချိန်ထိ
ကိုယ့်စိတ်ထဲမှာ
ထင်ထင်လင်းလင်း
ချစ်စိတ်တွေ ဝင်းပတုန်း...။

တုန်းဖိလိုက် ဘဝ
မြုံးမိလိုက် ဘဝ
ရှိုက်သံတွေနဲ့ ခလုတ်တိုက်နေတယ်
ပွန်းပဲ့၊ ရှစင်း
ဟင်းလင်းပြင်ထဲ လမ်းပျောက်
ဘဝဟာ ခေါက်ရိုးမကျိုးသေး
ခြေတဖက် သင်္ချိုင်းဖက် ယွန်းနေပြီ
ကျွန်းကခံတုန်း...။

မုန်အားကောင်းစဉ်က
ဝင်းပတော့မလို ဘဝ
ခဏပါ...။
ထိုက်သင့်တဲ့ကံ
ရိုင်းပဲရိုင်းနိုင်လွန်းတယ်
မေတ္တာတွေဖြတ်၊ အချစ်တွေကိုစွန့်
မိခင်ကိုထား၊ တိုင်းပြည်ကိုပစ်
စံနစ်တခုရဲ့သားကောင်
တောင်ပံကျိုးတဲ့ငှက်
ဒုက္ခတွေ ပင်လယ်ဝေ
သောက ဗျာဗွေမှာ
ကမ်းမရှိ၊ လမ်းမသိ
အင်း...
ချစ်စိတ်တွေ ဝင်းပတုန်း...။