ငါ.. (သို့) အသက်မဲ့တို့ ဆန္ဒ

ကြည်ကြည်ပ ရေငယ်အိုင်
ဖက်ကြာဝယ် ခိုကာမြူး
ထက်မှာကယ် ခုန်ကာကြူးလို့
ပြူးပြူးကြယ်ကြယ်၊
ဖားသူငယ် ရေဝယ်ကူးကာ
ကြင်သူမှာ မမြင်တတ်အောင်
ကတ်ကတ်လို့ခေါ်။
မေတ္တာတော်လိုပ
အေးကြစေသောဝ်...။

ထွန်းသာစွ ဖိုးရွှေလ
တမြူမှ တိမ်မကွယ်
ဝန်းကျင်ဝယ် ရွှေကြယ်ခလို့
လသဘင် ကျင်းပလို့ရယ်၊
ပြည့်ဝန်းလို့ လင်းပသလို
ကြည်ရွှန်းမြ အေးပသကို
ဟို.. ဆယ်နှစ်ကလို
တို့ဘိုးအို မနေနားတယ်
ခါးမနာတုန်း...။

ပွင့်ဖူးရယ် ငုံငုံ
ပိတုန်းငယ် မောင်နှံစုံက
ရစ်ဝဲကာ ဝတ်ရည်စို့တယ်
သုံးကြစေကွယ်
ပွင့်မြဲကာ မာန်မရှပါဘူး
ခူးလိုခူး ဆွတ်ပါစေ
ပွင့်ကြွေမှ ပျော်ရလျှင်
နင်းချေလို ချေနိုင်ပါတယ်...။
အမယ်မယ် သဘာဝတွေက
ပြုသမျှခံပါရသော်လည်း
အေးစေကြောင်း၊ မွေးစေကြောင်း
တသောင်းလုံး ထိန်ပါစေ
အလင်းဓာတ်တွေဝေ
အားလုံး...
ရေလိုအေးလို့ ပန်းလိုမွေးကြစေ...။