ရိုးစင်းတဲ့ စစ်တုရင်

ကိုယ်ကျိုးစွန့်သူ တယောက်ရဲ့
လှုပ်ရှားခဲ့တဲ့
အေးစက်တဲ့ နေ့ရက်တွေမှာ
ဆေးလိပ်တဖွာကိုသာ
မက်မောတယ်...။

ကျော်ဖြတ်ရတဲ့
ညရက်တွေမှာ
လမ်းပြဆိုလို့
ပိုးစုန်းကြူးတကောင်သာ
အဖော်ပါခဲ့တယ်...။

ငါတို့ထုတဲ့ ရုပ်လုံးဟာ
ငိုးချင်းသံတို့ ပျံ့လွင့်ခိုက်မို့
ပီပြင်ဖို့ နေ့တွေဟာ
ကြာခဲ့ရတာ မဆန်းပါဘူး...။

မပဋာမြေလူး
အရူးတပိုင်းတောင်မှ
တရားရသေးတာပဲ...။
ဤကိုတောင် ကျွဲဖြစ်ရသေးတာ
ညီညွတ်မှုပဲလိုတာ မဟုတ်လား...။

ရန်သူ့နယ်မြေမှာ
မွေးတဲ့ ပန်းရယ်လို့ မရှိပါဘူး...
မုန်းသူတို့နယ်မြေမှာ
လိပ်ပြာတို့...
ဝတ်ရည်ကို
သောက်စို့ခွင့် မရခဲ့ကြဘူး
တကယ် ကြူးကျော်တာက
ဘယ်သူလဲ...။

အမေးရှိတယ်
အဖြေသိတယ်
ကြားနေသူသာ မဖြစ်ပါစေနဲ့
ဒီချိန်ဟာ...
စွန်းကိုပဲထွက်သင့်တယ်
ပွန်းကို ရှေ့တကွက်တိုး...။