အချည်းအနှီးပဲဖြစ်ခဲ့တယ်

ပေါက်ကရငါးဆယ်တွေ ပြောပြီး
နေဝင်နေထွက်တွေကို မှတ်တမ်းတင်လိုက်
လရောင်မှိန်မှိန်တွေကို ကျော့ကွင်းထောင်လိုက်
ညဥ့်ငှက်ကလေးတွေနဲ့ သံစဉ်ညှိလိုက်
ကော်ဖီခါးခါးကို ကျိတ်မှိတ်လိုက်နဲ့
ခြေမညွန်ရာ လွင့်ပါသွားတာ
ဆယ်စုနှစ်များ လွန်သွားပြီ...။

သူ့ကျွန်မခံသီချင်းကိုဆို
မွေးဋ္ဌာနေသီချင်းကိုညဉ်း
အောင်ပါစေသီချင်းကိုနားထောင်
ကြံတိုင်းအောင် ဣစ္ဆာအိုးကိုနှိုက်
လက်တဆုံး ခါးအကုံး
သုညတလုံးပဲရလိုက်တယ်...။

ဖွတ်လည်းမရ
ဓားမလည်းဆုံး
ကျားကိုကြောက်ရ
ရှင်းကြီးကို ရွံ့ရနဲ့
မွှေးကျွတ်တာတောင်
ဒီဘဝက
လွတ်မယ်မထင်ဘူး...။

စံနစ်ဆိုးထဲမှာ
ဒုက္ခကအမျိုးမျိုး
တောင်လိုပုံတဲ့ ရိုး
မြစ်လိုစီးတဲ့ သွေး
မိုးလိုရွာတဲ့ ချွေးတွေ
ပေးဆပ်ပြီးပြီ
ရင်းနှီးပြီးပြီ
ဘယ်မှာလဲ လှပတဲ့အနာဂါတ်
ဘယ်မှာလဲ တောက်ပတဲ့ အလင်းရောင်
ဘယ်မှာလဲ ဖြောင့်ဖြူးတဲ့ လမ်း
အောင်မြင်မှုတွေက
ကုလားသေ ကုလားမော
ဘယ်နားသွားသေနေတယ်မသိ
ဘယ်မှာလဲ...
ဘယ်မှာလဲ...။