အလကားပဲ

အတွယ်အတာကိုစွန့်
အချုပ်အနှောင်ကိုရှင်း
ဘဝကိုပေး
အသက်ကိုပေး
ဒါ၊ ကလေးကစားသလို ပျော်လို့မဟုတ်ဘူး။

သွေးနဲ့ဖြန်း
ချွေးနဲ့ဆွတ်
အူကိုထုတ်
သဲကိုနှုတ်
ငါတို့ အလုပ်လုပ်ခဲ့တာဟာ ပါရမီအတွက်။

အတ္တအတွက်
စွန့်စားခန်းအားလုံးကို
ဖြတ်တောက်ပစ်ခဲ့တယ်။
ဘယ်လို အစကောင်းတဲ့ ဇာတ်ကွက်ဖြစ်ပါစေ
အဆုံးသတ်မကောင်းရင် အလကားပဲ။
ကြားမှာ...
ဒူးပြဲ တံတောင်ပြဲ
အသဲကွဲခြင်းနဲ့ ငိုခြင်းတပုဒ်သာ အဖတ်တင်မယ်။
ငါဆင်တဲ့ ဇာတ်မှာ
လိုချင်တာ၊ ဒါမှ မဟုတ်ဘဲ။

စွန့်ခဲ့ရသမျှ၊ ဖွတ်မွဲပြာစု
လွဲပြီးရင်းလွဲ...
သေပွဲတခုပဲ သေချာတယ်
ကဲ...
အရာအားလုံးဟာ အလကားပါပဲ
ဒီအတွက် ဘာလို့ ဝမ်းနည်းနေဦးမှာလဲ။

နောက်ဆုံးတော့ ဆွေး

အလွမ်း၊ အဆွေးတွေနဲ့
တွေးရင်း ငေးမောမိတယ်
တနေကုန်၊ တညလုံး...။

မုန်းတရားမရှိတဲ့ အချစ်ဟာ
အနှစ်သာရ ဘယ်လောက်ရှိမှာတဲ့လဲ
တည်ငြိမ်တဲ့အချစ်ဆိုတာ လိုအပ်ဆုံး မဟုတ်ဘူး။
တခုတည်းသော လိုလားစရာလည်း မဟုတ်ပါဘူး။
တည်ငြိမ်လွန်းရင် နယ်ထိုင်တယ်ဆိုပေမယ့်
အဲဒီတည်ငြိမ်မှုက ဘယ်လောက်အထိ တည်ငြိမ်နိုင်မှာတဲ့လဲ
လကို အမြဲတမ်း ကွယ်ထားနိုင်တဲ့ တိမ်ဆိုတာ မရှိပါဘူး
တိမ်ကြောင့် လရဲ့ အလင်းဟာ ဂုဏ်ရှိလေတော့
ဓာတ်သက်မကျပေမဲ့ မိတ်ဖက်ဖြစ်တယ်ဆိုတယ် ယုံ။

တုန်လှုပ်လွန်းတဲ့ နှလုံးသားကို
ဘယ်လို ပကာသနမှ ကာကွယ်မပေးနိုင်ပါဘူး
ပဓာနက ပကာသနမှ မဟုတ်ဘဲ။
အတ္တခြင်း တူညီကြပေမယ့်
မေတ္တာဂေဟအားနည်းတော့
သွေးခွဲတိုင်း ကွဲကြရတယ်။

ငါတို့ ကွဲခဲ့ကြရပြီ
ရလာဘ်ကိုယ်စီနဲ့
သူဆွေး၊ ကိုယ်ဆွေး
သူလည်းတွေး၊ ကိုယ်လည်းတွေး
သူငေးနေသလား
ငါငေးနေတုန်း....။

မထူးခြားနား၊ ထူးခြားနား

ဘာဆိုဘာမှမရေးဖြစ်တာ ချိန်အတော်ကြာမြင့်ခဲ့ပါပြီ။ ကျနော့်ကို ချစ်ခင်ပြီး ကျနော့်စာကို လာလာဖတ်တဲ့ မိတ် ဆွေတွေကိုလည်း တောင်းပန်ပါတယ်။ တကယ့်တော့ တောင်းပန်စရာမလိုဘူးလို့ ထင်ပါတယ်။ ဘာကြောင့်လဲ ဆိုတော့ ကျုပ်စာကို လာဖတ်တဲ့လူက လောက်လောက်လားလား ရှိတာမှ မဟုတ်တာကိုး။ ဒါကြောင့်မို့ နမော် နမဲ့ပဲ နေခဲ့တာပါ။

စာမဟုတ် ကဗျာမဟုတ်တဲ့ ပေါက်တတ်ကရတွေကို ရေးရတာဝါသနာတော့ကြီးပါတယ်။ ဒါပေမယ့် ဝါသနာ ထက် ကျော်လွန်တဲ့ အခြေအနေတခုကို ဖန်းတီးဖို့ စိတ်ကူးခဲ့ပါတယ်။ စိတ်ကူးဆိုတာလဲ ငွေကုန်ကြေးကျ ရှိတာ မဟုတ်တော့ ကမ္ဘာကုန်ကျယ်သရွေ့ စိတ်ကူးနဲ့ ဖြန့်ကျက်လိုက်တာ ငါဆိုတာလေးဟာ လုံးပါးပါးပြီး ပျောက်သွားမတတ်ပါပဲ။

တိကျသလား သေချာသလား တိတိကျကျ သေသေချာချာ မသိရတဲ့ အဖြေတွေတော့ ရခဲ့ပါတယ်။ ငါရဲ့ကြိုး စားမှုနဲ့ ဘာရမလဲ။ ငါရဲ့ လုံ့လဝီရိယနဲ့ ဘာရမလဲ။ ဒီတော့ လိုသေးတယ်။ လိုတော့ ဖြည့်ပေါ့။ ဖြည့်တော့ ပြည့်လာမှာပေါ့။ ပြည့်တော့ ဖြစ်ချင်တာ ဖြစ်ခွင့်ရမှာပေါ့။

လူငယ်တယောက်ပါပဲ။ ဒါပေမယ့် လူငယ်များတကာလို့ တက်ကြွမှု မရှိပါဘူး။ အတိတ်တွေကိုတွေး ဝမ်းနည်း နေတာက များပါတယ်။ အနာဂါတ်ကိုတွေးပြီး စိုးရိမ်နေတာက များပါတယ်။ ပစ္စုပ္ပန်မှာ ပစ္စလက္ခတ်နေပစ် လိုက်တာပဲ။ သဘောကျ ကျေနပ်သလားဆိုတော့လည်း ဘယ်ဟုတ်မလဲ။ သဘောမကျသော်လည်း ကျသယောင်၊ မကျေနပ်သော်လည်း ကျေနပ် သယောင်နဲ့ ယောင်ခြောက်ဆယ်ဖြစ်နေတာပေါ့။

ဒီတော့... ဒီမှာပဲ နားလိုက်ပါတော့မယ်။ လူမဖတ်တဲ့ စာကိုရေးရတာလောက် အရသာကင်းမဲ့တာမျိုး ရှိမှာ မဟုတ်ပါဘူး။ လူမသိတဲ့ ဘလော့ဂါလောက် အထီးကျန်တာမျိုးလည်း ရှိမယ်မထင်ပါဘူး။ ဒီတော့... မထူးပါဘူး။ နားလိုက်တာပဲ ကောင်းပါတယ်။