ကမ္ဘာ့အားကစား မြန်မာကိုလွှမ်းရမည်

ငါတို့ဗမာပြည်

ပြောင်းရမှာတခုက

“မြန်မာ့အားကစား ကမ္ဘာကိုလွှမ်းရမည်”

မှားနေပြီ ကိုရွှေ

ကမ္ဘာမပြောနဲ့

အာရှတောင် ဝေလာဝေး

ခွေးလှေးကြမ်းပိုးဖြစ်။

ငါ့တို့ ဗမာပြည်

ပြောင်းလိုက်ပါပြီတဲ့

“ကမ္ဘာ့အားကစား မြန်မာကိုလွှမ်းရမည်” တဲ့

ဟုတ်ရဲ့လား ကိုရွှေ

သေသေချာချာ စဉ်းစား

ငြင်းပွားမနေနဲ့

ဒါ တကယ်ပဲ… အဟုတ်ပဲ။

ချစ်သူတို့

ငယ်ကျွမ်းသူ

နှစ်ကိုယ်တူ ချုံပုတ်ကွယ်လို့

ခြင်, ဖြုတ်လည်း မမူတယ်။

ကျီစယ် ချစ်ဆိုခွန်း

မြင့်မိုရ်ကို ညွန်းကာပြ

လွန်လွန်းလှတယ်။

အညာ

အေးလိုက်ထာ

မေးခိုက်ခိုက်တုန်

စောင်ခြုံလည်း မလုံ

မီးဖိုလည်း မနွေး

အညာလေ အညာ…။

ပူလိုက်ထာမှ

အင်္ကျီကပ်ရတယ် မရှိ

ချွေးတစိစိ

ယားကျိကျိနဲ့

နေမထိ ထိုင်မသာ

အိုဗျာ

အညာလေ အညာ…။

ဘယ်ဝဋ်ကြမ္မာကြောင့်

ငါ့မှာလေ မြင်ခွင့်ရှိရဲ့သားနဲ့ မမြင်ရတာ

ငါ့မှာလေ ကြားခွင့်ရှိရဲ့သားနဲ့ မကြားရတာ

ငါ့မှာလေ သိခွင့်ရှိရဲ့သားနဲ့ မသိရတာ

ဒါဟာ ငါ့ကံကြမ္မာလား

ဒါကို ငါဖန်တီးတာလား

ဒီလောက်သင်းပျံ့မွေးကြူနေတဲ့ ပန်းကလေးတွေ

ဘယ်လို ဖူးပြီး ဘယ်လိုပွင့်လိမ့်မလဲ

ဘယ်လောက်လှလိမ့်မလဲ

မြင်စမ်းချင်ဘိတယ်။

ဒါဟာ သဘာဝပဲ မဟုတ်လား

မမြင်ရရင် မြင်ချင်တယ်

မကြားရရင် ကြားချင်တယ်

မသိရရင် သိချင်တယ်

ဒီ မြင်ချင်၊ ကြားချင်၊ သိချင်စိတ်တွေဟာလေ

ဘယ်လိုတားတား မရပဲလား။

ဒီလို ဖူး၊ ဒီလိုပွင့်

ဒီလို သင်းပျံ့မွှေးကြူပြီး

လောကကြီး လှပတယ်

နေချင်စရာကောင်းတယ်ဆိုရင်

ပိုပိုပြီး လှအောင်

နေချင်အောင်

ရေလောင်းပေးချင်

ပေါင်းသင်ပေးချင်တာပေါ့။

ခက်တာက ဒီလိုအတွေးတွေကလေ

မမြင်ရ၊ မကြား၊ မသိရတဲ့သူကမှ

မြင်ချင်၊ ကြားချင်၊ သိချင်ပြီး

လောကကြီးကို လှပစေချင်တာပါပဲလား။

အိုကွယ်…

ဒါကို ဝဋ်ကြမ္မာလို့ဆိုရင်

ဘယ်ဝဋ် ဘယ်ကြမ္မာဆိုးတွေကြောင့်

ဒီဝဋ် ဒီကြမ္မာဆိုးတွေကို

ရလာတာပါလိမ့်… လို့

သိချင်ပြန်တယ်… အိုကွယ်။

စစ်သည်

ပြည်ချစ်စစ်သား၊ ဇာနည်ဘွားဟု၊

သညာပြုသား၊ အမေ့အားလော။

သဘောထုတ်ပြန်၊ ညာသံပေးမူ၊

တူစွဟုတ္တာ၊ ပြောဆိုရာဝယ်၊

ရှေးခါတိုင်းဘွား၊ စစ်သည်များတို့၊

တို့ပြည်ရပ်ရွာ၊ အေးပါရစေ၊ မနှောခွေရှိ၊

ပြည်သူ့နှလုံး၊ ကုန်သိမ်းကြုံးကာ၊

ဘယာခပ်သိမ်း၊ ကင်းစင်ဝေးအောင်၊

လုံ့လဆောင်သူ၊ စစ်သည်ဟူ၏။

ယခုခါမူ၊ မတူကွဲပြား၊

ခြားနားလေခြင်း၊ ပြစ်မကင်းသား၊

တိုင်းဘွားပေါက်ဖော်၊ ဟုတ်လေသော်လည်း၊

သွေးခွဲတိုက်ခိုက်၊ ကလူမိုက်ခါ

နှိပ်စက်ပါလှ၊ ပြုကျင့်ရာကြောင့်

ပြည်သူ့၏ရန်၊ နိုင်ငံရန်မျိုး

လက်နက်ကိုး၍၊ ဓလေ့နိုင်ကျင့်

ဖြစ်သနစ်ချာ၊ မိစ္ဆာစစ်သား

ဆိုတုံငြားမှ၊ မှန်ကန်ရသည်

သစ္စာမည်သား၊ ငါဆိုငြား၏။

အပူသံသရာ

နေ့ည မလပ်

ဗျင်းစပ်စပ်ပူပါလို့

အိုက်ပျို့ကာ မနေနိုင်တယ်

အေးဖို့ ကြံမယ်။

သံသာရဟတ်

မရပ်နား ချာချာလည်

ဒုက္ခရယ်တခွဲသားကိုပ

တားမှသင့်မယ်။