Monday, April 25, 2011

မိုးနတ်သူဇာမယ်

ရောင်ရွှေဝါ ဝင်းပပါလို့၊
 မြကမ္ဗလာ ခြုံလွှာနဲ့၊
ပဏ္ဏာရတဲ့ သူဇာရယ်။
နတ်ဆေးနဲ့ ရေးချယ်ပုံ၊
ပန်းချီငို ပန်းခိုင်မျိုး၊
လှတိုးပါတဲ့ ကညာမယ်။

နှစ်လိုဖွယ် လှထူးပါရဲ့
ဆင့်ဖူးတဲ့ မာလာမင်း
ပျံ့သင်းမယ်တဲ့ နယ်ရှစ်ခွင်။
ခင်ကြည်ဖြူ ကြင်နာတိုးလို့
ချစ်မိုးရယ် ရွာမစဲပါဘူး
သက်လျာမှာကွယ့် ထူးလှတဲ့ပြင်။

ပြုပြင်ရေး လေးချိုး

နေမြင့်လို့ ရူးရင့်လေတော့၊ 
ရမ်းဟော့ကာ မဟုတ်တန်းတွေနှင့်၊ 
ဗြန်းဗြန်းကွဲ ရိုက်တီးဆော်၊ 
ပြည်တော်နှံ့လေး။

မသူတော် ဝတ်ဖြူစီး၊ 
ဘုန်းမီးနေလက တောက်ပြန်၊ 
မဖောက်ပြန်တာ ရှိပါဘူး၊ 
မွဲပြာပြာ ငထုံတို့က၊ 
မြောက်လို့ပြန်သေး။

မလောက်လေးတွေက၊ 
ယုန်ခွေးလိုက် မှားပုံနှယ်၊ 
တောင်ကိုပြေး မြောက်သို့လိုက်၊ 
ရမ်းတုပ်လေးတွေက၊ 
ခွေးငတ်လိုမြူး။

အဟုတ်မမှတ်လေနဲ့၊ 
ခွေးနက်လို ဂိန်ဂိန်၊ 
ပိန်လိန်လို့ ပြေးရမယ်၊ 
ပြင်ကြပါပြုကြပါ၊ 
ဟုတ်ထာကိုကျူး။

Saturday, April 9, 2011

ကုတ်ကုတ်ကတ်ကတ်

ကဗျာမဟုတ်ပါဘူး
တွေးချင်ရာတွေးပြီး
ရေးချင်ရာ ရေးထားတာပါ။

ကဗျာမဟုတ်ပါဘူး
ရေးချင်ရာရေးပြီး
ခြစ်ချင်ရာခြစ်ထားတာပါ။

ကဗျာမဟုတ်ပါဘူး
ခြစ်ချင်ရာခြစ်ပြီး
ဖြစ်သလို ပစ်ထားတာပါ။

ကျုပ်ဟာတွေက
လွမ်းချင်ဆွေးချင်သူတွေအတွက် မဟုတ်ပါဘူး
လွမ်းတတ်ဆွေးတတ်သူတွေအတွက်ပါ...။

မျှော်... မျှော်ပါလေတိုင်း

ရော်ရွက်ကြွေလျှင်
ဝေဖူးတဖန် နုထွားပြန်၏။

ပိတောက်ဝါလျှင်
တာရည်ပက်ဖြန်း မြူးရွှင်လန်း၏။

အတာကြူးလျှင်
တူးပို့တေးသံ တိုင်းလုံးညံ၏။

တေးသံကြားလျှင်
ရင်ဝယ်လှိုက်ဖို နှလုံးခုန်၏။

တာရေစိုလျှင်
ခိုကပ်ညစ်ကြေး ကင်းစင်ဝေး၏။

တာရေလောင်းလျှင်
ကောင်းဟူသမျှ ဆွတ်ယူရ၏။

သင်္ကြန်တက်လျှင်
နောင်နှစ်ကိုမျှော် တွေးတိုင်းပျော်၍
မမေ့တသ လွမ်းဆွတ်ရ၏။

ပစ္စုပ္ပန် ကမ္ဘာ

နေမပွင့်တဲ့ ကမ္ဘာမှာ
သက္ကရာဇ်တွေဖြို
ပြက္ခဒိန်တွေ ဖျက်
လက်တံတွေကို ချိုး
ငါတို့ ခိုးစားကြတာပေါ့...။

Thursday, April 7, 2011

ပျိုမေကို နေညိုကစောင့်

နေညိုညိုဆိုင်းပါမယ့်
ရှစ်တိုင်းကိုတဲ့ သိုင်းခြုံ
ညိုတလီ ပြာတလှည့်နဲ့
မှောင်တချီ မှိုင်းပါလို့
တိမ်ဆိုင်ကအီအီ။
 
လေချိုချို သွေးပါမယ့်
ပင်ကိုင်းတို့ ညွတ်ရုံ
ထုံသင်းနံ့ ပျံ့ပါသနဲ့
မွှေးကြူစွာ ကြည်ပလို့
ပွင့်ခိုင်က စီစီ။

မေပျိုပျို ဆင်းပါမယ့်
နံပိုင်းငယ် တိုတို
ရေအိုးကို ရွက်ကာတဲ့
ယဉ်သာစွာ လှမ်းပါလို့
မြေလမ်းက ညီညီ။

Wednesday, April 6, 2011

သဲသဲမဲမဲ တဝဲလည်လည်

ကုန်ကြမ်းမရှိတဲ့ တိုင်းပြည်မှာ
ကုန်ချောက တနင့်တပိုး
ပုံစံအမျိုးမျိုး၊ တံဆိပ်အမျိုးမျိုးနဲ့
နာမည်အမျိုးမျိုးကိုမှည့်
ဈေးအမျိုးမျိုးသတ်မှတ်ပြီး
တန်းစားအမျိုးမျိုးဆီပို့
ပြီးတော့ မြို, ဆို့,
ပြီးတော့ ဖဲ့, ချိုး
ပြီးတော့ ဝိသေသအမျိုးမျိုးတိုးနဲ့
ဂုဏ်ပုဒ်တွေတပ် တံဆိပ်အပ်ပြီး
ပညာတတ်၊ အထက်တန်းစား
နိုင်ငံကြီးသား၊ ကယ်တင်ရှင်များစတဲ့
ရာဇမတ်တွေနဲ့ ကာလို့ ကွယ်လို့...။

အဘိုးတန်ကုန်ကြမ်းများပြည့်နေတဲ့
ဆင်းရဲသားနိုင်ငံ
ကြမ်းပန်းကန်၊ မတ်ခွက်
ယောက်မနဲ့၊ စဉ်းသီတုံး
အုန်းဆံကြိုးနဲ့၊ ခုံဖိနပ်စသည်
ပုံစံအမျိုးမျိုး၊ တံဆိပ်အမျိုးမျိုးနဲ့
နာမည်အမျိုးမျိုးကိုမှည့်
ဈေးအမျိုးမျိုးသတ်မှတ်ပြီး
တန်းစားအမျိုးမျိုးဆီပို့
ပြီးတော့ ငတ်, ပြတ်
ပြီးတော့ ခြောက်, ကပ်
ပြီးတော့ ဝိသေသအမျိုးမျိုးနဲ့
ဂုဏ်ပုဒ်တွေတပ် တံဆိပ်အပ်ပြီး
ပညာမဲ့၊ အောက်တန်းစား
ဆင်းရဲသား၊ လူမိုက်စသည်
ရာဇမတ်တွေက ခွာလို့၊ ကွာလို့...။

ပန်းရနံ့တို့ သင်းပျံ့နေသောအခါ မာယာတို့သည် လှည့်စားရန် အားကောင်းလာတတ်၏...။